Llyfr Coginio:Cacen 1-2-3-4

Rysáit Americanaidd traddodiadol ar gyfer cacen 1-2-3-4, sy'n fath syml o gacen felen.

Cynhwysion

• 1 cwpanaid (240 mL) menyn
• 1 cwpanaid (240 mL) llaeth
• 2 gwpanaid (480 mL) siwgr
• 3 cwpanaid (720 mL) blawd
• 3 llwy de (15 mL) powdr codi,
• 3 pinsiaid halen
• 4 wy

Dull (yn gryno)

1. Cynheswch y ffwrn i 175 °C (350 °F)
2. Hufennwch y menyn a'r siwgr gyda'i gilydd nes eu bod yn gymysgedd ysgafn.
3. Curwch yr wyau i mewn i'r gymysgedd.
4. Yn raddol, sifftiwch y cynhwysion sych, gan ychwanegu ychydig laeth am yn ail.
5. Trosglwyddwch y gymysgedd i badell sydd wedi'i iro a'i flawdio.
6. Pobwch ar dymheredd o 175 °C (350 °F), nes y bydd sgiwar a gaiff ei roi yn y gacen yn medru cael ei dynnu allan heb unrhyw friwsion llaith.

Dull (manwl)

Paratoi

Bydd angen y canlynol arnoch:

• 
  Y cynhwysion. (Ni ddangosir yr halen yma)
• 
  Offer coginio: curwyr, bowlen fawr, cwpan fesur a thun cacen mawr. Tafol opsiynol.
• 
  Ffwrn, wrth gwrs!

Dull

• 
  1. Cynheswch eich ffwrn ymlaen llaw.
• 
  2. Hufennwch y menyn a'r siwgr gyda'i gilydd.
• 
  3. Craciwch yr wyau, a churwch hwy i mewn i'r gymysgedd hefyd
• 
  Ar ôl ychwanegu'r wyau, dylai edrych fel hyn
• 
  4. Nawr ewch i hol y blawd a'r llaeth
• 
  5. Cymysgwch ychydig o'r blawd ynddo.
• 
  6. Yna ychydig o laeth.
• 
  Ail-adroddwch camau 5 a 6 nes ei fod wedi gorffen. Erbyn hyn dylai'r gymysgedd fod yn llyfn iawn.
• 
  7. Arllwyswch y gymysgedd i mewn i dun sydd wedi'i iro a'i flawdio, a rhowch y tun yn y ffwrn
• 
  8. Gwirio i weld os yw'r gacen yn barod: rhowch gyllell mminiog neu sgiwar i mewn i ganol y gacen
• 
  Os yw'r gyllell yn frwnt - mae'r gymysgedd dal yn wlyb ac mae angen mwy o goginio arno! (Roedd hyn ar ôl 15 munud. Mae angen tipyn mwy o amser arno)
• 
  O'r diwedd, rydych chi wedi gorffen! Sylwer pa mor frown yw top y gacen, o ganlyniad i'r ganran uchel o siwgr

Delweddau eraill

• 
•